Honormedalo...

Publié le par kokerikadoj.over-blog.com

Jen tradukita artikolo aperinta la 19an de aùgusto en la gazeto "Le Dauphiné Libéré":
Esperanto kunigas Chinion kaj la urbeton Fontaine.
La lastan 14an de majo, dum la regiona kongreso de E°, junaj lokaj gelernantoj havis okazon per videokonferenco interparoli  kun aliaj gelernantoj el Zhenjiang, urbo situata norde de Shanghajo.
Inter chi infanoj, tiom malproksimaj, ununura lingvo : esperanto.
Urba honormedalo.
La kontakto, tiom emociigis la urbestron, Yannick Boulard, ke li volis honorigi la chinan klason per honormedalo de la urbo Fontaine. Belan iniciaton…sed malfacile por konkretigi… char 12000km (ekzakte 15000…) disigas Zhenjiang de Fontaine.
Feliche, bona fortuno intervenis…Shi Xueqin la  instruistino pri la china kaj esperanto, tiu kiu prizorgis la aziajn infanojn, venis en Rhodanalpan regionon chisomere… Fakte, shi edzinighis al Michel Fontaine, franca instruisto el Bourg en Bresse, ili  nun kune loghas en Chinio. Ili facile veturis al Fontaine, por ricevi la medalon.
La urbestro nun feriantas… Lia unua vicurbestro, Jean Paul Trovero, prezidis la ceremonion.  Xueqin kaj Michel estis akompanitaj de Martine Freydier, prezidantino de « Esperanto 38 » (38 estas la numero de la loka departamento Izero), de Claude Gerlat, instruisto kaj tradukisto de E°, kaj de multaj aliaj esperantistoj, el kiuj Anne Marie Petre, la instruistino de la junaj izeraj infanoj de Saint Egrève, tiuj, kuj interparolis kun la chinaj gelernantoj de Xueqin .
« Mi faris 10.000km por renkonti vin », sherce diris Xueqin . Menciante la videokonferencon, shi aldonis : « Kvankam ni tiom geografie distancis, la koroj estis tiom proksimaj. » Jean Paul Trovero aprobis kaj felichighis, « ke la urbo Fontaine helpe akompanis tian eventon ».
 
Altvalora batalo.
Edouard Shoene, vicurbestro pri kulturaj aferoj, opinias, ke “Esperanto estas altvalora batalo, char ghi respektas chiujn lingvojn kaj kulturojn.”
“Mi sentas min kiel hejme”, entuziasme deklaris Xueqin.  Fakte, multaj esperantistoj jam rimarkis, ke E° akcentas kiel la hispana, la itala, ech la franca, sed « neniel aspektas kiel azia lingvo, kvazaù la kreinto de E° forgesis Azion… », ili resume diris… Pro tio la sukceso de Xueqin kun shiaj gelernantoj des pli rimarkindas….
 
Isabelle Calendre verkis por la loka gazeto « Le Dauphiné Libéré » (Liberigita Delfinio ).DSC 0008 Tradukis esperanten Michel Fontaine

 
 
 


Commenter cet article